A publicación complétase cunha guía dos principais cenobios do país, así como cunha breve recensión histórica de cada un deles, datos prácticos e as súas principais receitas.

O libro recolle todos e cada un dos mosteiros e conventos galegos que elaboran e venden produtos gastronómicos, cunha ficha por cada un deles na que se inclúen aspectos históricos, artísticos e gastronómicos, xunto con información de contacto (enderezos, teléfonos, correo electrónico, web… cando hai) e útiles para o visitante e comprador: horarios de visita, horarios de tenda ou torno, formas de pago, etc., así como información sobre tendas alleas aos mosteiros e conventos nas que atopar os seus produtos.